Speech – 6.3.2014 – North Atlantic Seafood Forum, Bergen |
I was asked to talk about Russian Alaska Pollock, to given an update on quota, production trends and product and trade flow and to evaluate challenges and opportunities in the coming years. In order to this I will split the presentation into four parts:
The speech can be seen here NASF speech and pictures here
Umfjöllun – 28.11.2013 – Fiskifréttir |
Heildarafli Íslendinga dregst saman í ár og á næsta ári samkvæmt spám. Heildarverðmæti sjávarafura hefur aukist mikið undanfarin þrjú ár, eða um 65 milljarða á föstu verði. Tæpur helmingur þessarar aukningar væri vegna loðnu og síldar. Afurðaverð á hráefniskíló þorsks var 388 krónur 2003. Hækkun til 2012 hefur eingöngu verið 3,5% sem er innan við hálft prósent á ári. Það getur ekki talist viðunandi árangur fyrir okkar mikilvægustu fisktegund. Þetta og margt fleira kom fram í erindi á Sjávarútvegsráðstefnunni 2013.
Hér má sjá greinina í Fiskifréttum FF 28.11.13
Ræða – 21.11.2013 – Sjávarútvegsráðstefnan |
Markmið sjávarútvegsins hljóta að vera að hámarka tekjur af því sjávarfangi sem er veitt, kemur úr eldi eða er flutt inn, nánar til tekið auka tekjur á hvert hráefniskíló. Ég ætla að fara yfir þessa þætti, skoða hvernig aðföng hafa þróast og spá til um hversu mikið framboð verður á næsta ári. Ég mun setja fram greiningu á þróun afurðaverðs s.l. áratuginn fyrir helstu tegundir og sjá hjá hvaða tegundum hefur tekist að ná umtalsverðri hækkun.
Sjá ræðuna hér Ræða 2013 og myndir Myndir 2013
Tillaga – 1.11.2013 – Framúrstefnuhugmynd Sjávarútvegsráðsefnunnar |
Appið WIB-Iceland upplýsir neytendur erlendis hvar þeir geti keypt íslenskar sjávarafurðir í nágrenni við sig. Þegar ég er erlendis spyrja útlendingar oft hvar þeir geti keypt fisk frá Íslandi og það er svo til vonlaust að svara því. Appið WIB-Iceland mætir þessari þörf og getur um leið orðið öflugt markaðstæki fyrir íslenskar sjávarafurðir. Neytandinn slær inn upplýsingar um hvar hann býr – land, borg og póstnúmer – og upp kemur nafn á verslun, netverslun, veitingarstað, heimsendingarfyrirtæki eða öðrum stöðum sem selja sjávarafurðir frá Íslandi. Fólk getur þrengt leitina og spurt um ferskan fisk, frystan, saltaðan, þurrkaðan, niðurlagðan, reyktan eða aðra afurðaflokka og fær þar nákvæmari upplýsingar um hvar slíkar afurðir fást.
Sjá tillöguna hér WIB-Iceland 2013
Grein – 14.11.2013 – Fiskifréttir |
Reikna má með að innflutt hráefni og landanir erlendra skipa til fiskvinnslu í landinu hafi skilað um 9,6 mrð.kr. í útflutningstekjur 2012. Innflutningsverðmæti námu 7,1 mrð.kr og er verðmætisaukning því 2,5 mrð.kr. Þetta hráefni er viðbót við þann afla sem kemur frá íslenskum skipum og úr eldi, þannig eykst nýting framleiðslutækja því framboð hráefnis er stöðugra. Þetta hráefni fer í bræðslu, frystingu, reykingu, söltun og til annarrar vinnslu. Margar greinar hafa af því tekjur, vöruúrvalið getur orðið breiðara og sölustarf styrkist í kjölfarið. Þess vegna er verðugt að velta því fyrir sér af hverju innflutningur er ekki meiri en raun ber vitni og af hverju hefur hann minnkað mikið frá fyrri hluta síðasta áratugs.
Innflutningur á hráefni sveiflast mikið á milli ára. Á síðustu 17 árum var magnið mest 1998 og árin 2003-2005 og var innflutningur þau ár í kringum 200.000 tonn og var mest af uppsjávarfiski, sem landað var hér. Hér verða mikilvægustu tegundir í innflutningi skoðaðar og mat lagt á aukningu verðmæta frá innfluttu hráefni til útfluttra afurða. Ég byggi á mínum útreikningum á verðmætum útflutnings sjávarafurða á hráefniskíló.
Sjá hér greinina í heild Grein nóvember 2013 og Fiskifréttir, þar sem greinin birtist FF 14.11.13
Ræða – 8.11.2012 – Sjávarútvegsráðstefnan |
Það er mér mikil ánægja að ávarpa þriðju Sjávarútvegsráðstefnuna til þess að gefa yfirlit yfir íslenskan sjávarútveg í ár og spá fyrir um næsta árið. Ræðan skiptist í yfirlit yfir framboð á hráefni til sjávarútvegsins, vinnslu og ráðstöfun afla svo og sölu, markaði og afurðir. Auk þess mun ég skoða heimsframboð sjávarfiska og hlutdeild okkar í samanburði við Noreg og Evrópusambandið.
Þó svo að sjávarútvegurinn eigi gott ár að baki og 2012 verði einnig gott, þá er framboð sjávarfangs miklu minna en flest af síðustu 20 árum. Afkastageta greinarinnar, hvort sem er í veiðum eða vinnslu er miklu meiri og því er markmið mitt að sýna hvernig staðan verði að óbreyttu og velta fyrir mér hvar við getum sótt í aukið hráefni og aukið verðmæti.
Sjá ræðuna hér Ræða 2012 og myndir hér Myndir 2012
Grein – 1.11.2012 – Fiskifréttir |
Það voru tímar þegar horft var til Íslendinga sem fyrirmynd í vinnslu og markaðssetningu á fiski en þeir tímar eru að baki, aðrir hafa tekið forystuna og Íslendingar lifa um margt á fornri frægð. Hvað hefur gerst og hvers vegna er þessi staða komin upp? Í greininni segir m.a.: Enn í dag nýtur íslenskur fiskur góðs orðstírs og fær hátt verð hjá mörgum kaupendum og margir framleiðendur vinna mjög gott starf. En aðrir hugsa til skamms tíma, hoppa á milli markaða og kaupenda ef verð sveiflast og nota jafnvel „uppboðsleiðina“ til að velja hvaða kaupandi fær vöruna þá vikuna. Þeir finna helst fyrir versnandi ástandi á mörkuðum. Til viðbótar kemur að framleiðendur hafa treyst á góða ímynd íslenskra afurða en henni hefur því miður ekki verið haldið við. Þau fyriræki sem standa í stað dragast aftur úr, þvi samkeppnin hefur ekki sofið á verðinum og nýir keppinautar hafa komið á markaðinn.
Hér má sjá greinina í heild sinni Grein nóvember 2012 og Fiskifréttir þar sem greinin birtist FF 01 11 12
Viðtal – 4.4.2012 – Fiskifréttir |
Í upphafi viðtals í Fiskifréttum segir: ,,Á árum áður var algengt að framleiðendum íslenskra sjávarafurða væri borið á brýn að þeir seldu fiskinn hálfunninn úr landi í stórum umbúðum til endurvinnslu erlendis og gagnrýnt að þeir reistu fiskréttaverksmiðjur í útlöndum í stað Íslands. Þessar raddir eru að mestu hljóðnaðar en þær spurningar eru eigi að síður áhugaverðar að hve miklu leyti íslenski fiskurinn fari héðan tilbúinn í hendur neytandans og hvort einhver sóknarfæri séu í fullvinnslu og kynningu íslenskra sjávarafurða. Til þess að fá svör við þessu sneru Fiskifréttir sér til Kristjáns Hjaltasonar, ráðgjafa og formanns Sjávarútvegsráðstefnunnar, en hann hefur áratuga reynslu af sölustarfi fyrir íslenska fiskframleiðendur.”
Sjá viðtalið í heild hér Fiskifréttir 4. apríl 2012
Ræða – 13.10.2011 – Sjávarútvegsráðstefnan |
Það er mér mikil ánægja að fá aftur aftur tækifæri til að tala á þessari ráðstefnu og fjalla um íslenskan sjávarútveg. Ég mun fara yfir framboð hráefnis, skoða vinnslu og ráðstöfun afla, fjalla um sölu afurðanna og helstu markaði og að lokum skoða innflutning á hráefni og velta fyrir mér tækifærum sem felast í því að auka hann.
Greiningin er með svipuðu sniði og í fyrra en þó með nokkrum breytingum og viðbótum, til þess að draga upp skýra mynd íslenskum sjávarútvegi. Ég skipti greiningunni í þrennt og nota yfirleitt tölur frá 1990 til 2010 og þar sem hægt er, fyrstu 6-8 mánuði 2011 samanborið við sama tíma 2010. Ég mun fjalla um:
Ég skipti tegundum í 4 flokka og skoða þróun hvers fyrir sig; Bolfiskur, flatfiskur, uppsjávarfiskur og skel- og krabbadýr.
Í síðari hluta mun ég skoða innflutning á hráefni og hvernig tekist hefur verið að auka hráefnismagn sem sjávarútvegurinn hefur til ráðstöfunar. Mér finnst þar vera mörg ónýtt tækifæri og ef þau eru nýtt má auka framboð hráefnis og þar með tekjusköpun í greininni.
Sjá ræðuna hér Ræða 2011 og myndir hér Myndir 2011
Ræða – 12.10.2011 – Aðalfundur íslenskra saltfiskframleiðenda |
Í ræðunni var fjallað um stöðu íslenskra sjávarafurða á mörkuðum og tillögur lagðar fram um hvað stefnu íslenskir saltfiskframleiðendur ættu að hafa í markaðssetningu á komandi árum.
sjá myndir með ræðunni hér ÍSF 2011
